Меню Закрыть

Выдавецтва

Выдавецтва Пінскай дыяцэзіі было заснавана ў 2016 г.

Беларуская выдавецкая дзейнасць (асабліва ў каталіцкім напрамку) застаецца яшчэ невычэрпанай крыніцай магчымасцей і дасканалым полем для евангелізацыі. Людзі нашага часу, кажучы супраць стэрэатыпам, яшчэ чытаюць (!) і чакаюць якасных перакладаў добрай літэратуры. Асаблівай сферай становяцца сакральныя малітоўнікі і агенды, якіх няшмат на рыначнай прасторы. Яны дапамагаюць наблізіцца да Бога, а таксама ўмацоўваюць беларускамоўную культуру і захоўваюць святасць мовы.

Ужо выдадзеныя…

ПАРАФІЯЛЬНАЯ АГЕНДА

Агенда гэта каштоўны дапаможнік для святароў, але і не толькі. Праца над кнігай трывала каля трох гадоў. Яна складаецца з трох частак.
Першая прысвечана культу Найсвяцейшай Эўхарыстыі,
другая змяшчае тэксты розных набажэнстваў,
а трэцяя – гэта благаслаўленні.

Агенда выдадзена на якаснай паперы і ў цвёрдай вокладцы.




МАЛІТОЎНІК

"Бог Добры"

Малітоўнік «Бог добры» – найбольшы беларускамоўны малітоўнік па змесце і самы шматстаронкавы ў гісторыі Касцёла ў Беларусі. Памер малітоўніка – больш за 1000 старонак.

У гэтай кнізе сабраны ўсе распаўсюджаныя і амаль што забытыя спевы, набажэнствы, малітвы характэрныя для Касцёла на нашых землях. Адметна, што кніга паўставала каля дзевяці месяцаў – прыкладна чтолькі часу працягваліся працы над малітоўнікам.

фота: Марына Сінкевіч

У бліжэйшы час Выдавецтва плануе надрукаваць евангеліярый, які рыхтуецца ў супрацоўніцтве з Секцыяй па перакладзе літургічных тэкстаў і афіцыйных дакументаў Касцёла пры Канферэнцыі Каталіцкіх Біскупаў у Беларусі, біблійная агенда на 2019 год, а таксама разважанні Крыжовага шляху, аўтарам якіх з’яўляецца сам а. Пётр Бялевіч ОМІ.